Ka dy synime të Ukrainës në këtë luftë, siç identifikoi Olena Zelenska, gruaja e presidentit të vendit, Volodymyr Zelensky, e cila foli të martën në Parlamentin Britanik.
“Nuk na duhet vetëm fitorja, na duhet edhe drejtësia”, u tha ajo deputetëve për të shtuar se ka ardhur në Londër për të gjetur drejtësinë, sepse kjo do t’i japë fund luftës.
Ajo shtoi se do të ishte e pamundur për njerëzit e qyteteve britanike, nëse do të ishin bombarduar siç ishin gjatë Luftës së Dytë Botërore, të pranonin që përgjegjësit për bombardimet nuk do të sillen para drejtësisë.
Zelenska këmbënguli në paralele me Luftën e Dytë Botërore dhe Gjermaninë naziste, duke thënë se komuniteti ndërkombëtar duhet të bashkohet, siç bëri në vitin 1942, për të mbështetur krijimin e një gjykate speciale për agresionin rus kundër Ukrainës. Ai i bëri thirrje Britanisë që të udhëheqë një përpjekje të tillë.
