Ditën e sotme ka dalë në gjyq Petrit Mamaj, i cili akuzohet për vrasjen e bashkëshortes së tij Valdete Mamaj në fshatin Sheq të Fierit më 8 shkurt 2021.
Autori në momentin e parë tentoi ta fshehu duke e njoftuar si vetëvrasje, por shumë shpejt ngjarja u zbulua dhe burri u arrestua.
Pas debateve dhe sipas tij refuzimit, Petriti ka qëlluar pas shpine gruan e tij, Valdeten, ku në atë moment ajo bërtiti duke thënë fjalët “…më vrave…”.
“Me njëri-tjetrin ne bënim debate, pasi unë fillimisht kisha dyshime se me tradhtonte me një person tjetër dhe me pas edhe jam bindur, pasi e kam gjetur herë pas here teksa komunikonte në telefon në orët e vona me personin tjetër.
Rreth orës 05:45 jam zgjuar, jam ngritur nga krevati, kam vajtur te dhoma ku flinte Valdetja Fjalët që ajo me tha ishin: “…ik ore dreq tutje, nuk qëndroj më këtu, do iki…”.
Duke qenë se ajo nuk po më pranonte mua dhe për shkak edhe te akumulimit të refuzimeve të mëparshme që ajo me kishte bërë, unë jam inatosur me të dhe kam vajtur te kuzhina.
Atje mora një thikë buke me dorezë të zezë dhe jam kthyer përsëri te dhoma ku ajo flinte, e cila ishte e shtrirë në krevat dhe me shpinë” tha ai para drejtësisë.
