“Më ndoqën më goditën me makinë, sapo zbrita më gjuajtën me leva, ishin tre persona por nuk i identifikova dot“.
Kjo është dëshmia e drejtorit të përgjithshëm të OSHEE-së Lezhë, Edmir Përndreca i dhunuar mbrëmjen e djeshme.
Ai ka deklaruar se e kanë ndjekur dhe pasi e kanë goditur me makinë. Sapo ka zbritur, sipas tij në atë moment tre persona e kanë sulmuar me levë, por ai nuk ka mundur t’i identifikojë.
Edmir Përndreca është emëruar drejtor i Njësisë së Operatorit të Shpërndarjes së Energjisë Elektrike në Lezhë prej më shumë se 1 viti.
Nga veprimet paraprake hetimore dyshohet se kemi të bëjmë me një ngjarje të qëllimshme që lidhet me detyrën.
