Prokuroria ka çuar në gjyq dosjen me dy autorët e vrasjes së efektivit të policisë së shtetit, Xhuliano Prela, ngjarje e ndodhur në dhjetor të vitit 2020 në superstraden Lezhë-Milot, pranë fshatit Gajush. Redion Hysa dhe Nikoll Sherniku janë dy personat e vënë nën akuzë për vrasjen e efektivit të forcave të Ndërhyrjes së Shpejtë të Shkodrës.
Redion Hysa do të përballet në gjykatë me akuzat, “Vrasje me dashje” parashikuar nga neni 76 i kodit penal, “Mbajtje pa leje dhe prodhimi i armeve shpërthyese dhe i municionit” “Kanosje” si dhe “Prishje se rendit dhe qetësisë publike”. Nikoll Shernikun është akuzuar për “Perkrahje e autorit te krimit”.
Sherniku ndodhen në burg, pasi gjatë verës u kap dhe me armë e makinë të blinduar në zonën e Kunës në Shëngjin. Autori i dyshuar i vrasjes së policit u zbulua pas gjetjes së një pistolete TT dhe një automatiku në depoziten e ujit që ndodhej mbi tarracën e shtëpisë së Redion Hysës, ku rezultoi më pas se automatiku, ishte përdorur në ngjarjen e datës 28 dhjetor 2020, kur ishte qëlluar me 28 plumba karburanti dhe trajleri.