Media britanike, DailyMail ka raportuar se presidenti rus, Vladimir Putin është rrëzuar nga shkallët në rezidencën e tij.
Media citon një kanal në Telegram, ku thuhet se ka lidhje me truprojën e presidentit.
Udhëheqësi 70-vjeçar rus, shëndeti i të cilit është përkeqësuar dukshëm që kur filloi luftën e tij në Ukrainë, pësoi rënien të mërkurën në mbrëmje kur rrëshqiti duke zbritur shkallët në shtëpinë e tij në Moskë, pretendon kanali General SVR.
Gjenerali SVR ka postuar përditësime në lidhje me shëndetin e Putinit që nga fillimi i luftës, megjithëse nuk ka ofruar asnjë provë për të mbështetur pretendimet e tij ose prova që vërtet ka lidhje me rojet e tij.
