Ish-kryeministri Sali Berisha akuzoi sot qeverinë se po godet median e lirë. Kryetari i PD-së, Sali Berisha pasi e cilësoi presion dërgimin e IKMT-së te “Prestige resort” në Golem në pronësi të Irfan Hysenbelliut e akuzoi Edi Ramën se qëndron edhe pas shitjes së televizionit “ABCnews”. Ai paralajmëroi pronarët e rinj.
“Një media tjetër detyroi të shitet aty ku deshi. I bëj thirrje pronarit dhe gazetarëve të “ABC”-së të ruajnë integritetin. I bëj thirrje pronarit që nëse e shndërron në një altoparlant të Fugës dhe Ramës do të përballsh me pasoja shumë të rënda.
E keni marrë vesh ju, që nga pronari në pronar me urdhër të tij. Në një kohë gjashtë mujore vendos në terror, 3 rrjete televizive që informonin, që në kompleks përbënin rrjete anti-censurë. Nuk them se kanë pasur politika editorale në favor tonin. Ato të ruanin politikën e tyre por censurën nuk e pranoj. Këto ishin garanci për anti-censurë” tha Berisha.
