Mediat braziliane kanë raportuar se prej ditësh gjendja shëndetësore e legjendës së futbollit, Pele është përkeqësuar.
Sipas raportimeve ish-ylli i “Seleçaos”, nuk ka pasur reagime të mira kundër kimioterapisë që po i nënshtrohet që shtatorit të kaluar.
Ai gjithashtu para shtatorit i është nënshtruar një operacioni të vështirë për shkak të kancerit në zorrë.
Pele ndodhet i shtruar prej pasdites së 30 nëntorit në spitalin “Albert Einstein”.
Spitali “Albert Einstein” në Sao Paulo lëshoi ditët e fundit një deklaratë ku thuhej se kimioterapitë që po kryen 82-vjeçari nuk po japin më efekt.
Nga ana tjetër vajza e Pele, Nely Nascimento, ka reaguar në lidhje me rastin dhe ka treguar se situata është absolutisht nën kontroll.
Ajo ka theksuar se shtrimi në spital i të atit ishte një hap i planifikuar më parë nga mjekët.
