Qeveria franceze ka bërë thirrje për një rritje të shkallës së vaksinimit për Covid-19 , vetëm disa ditë para sezonit të festave, duke u bërë thirrje gjithashtu qytetarëve francezë që të “riveshin maskat e tyre në transportin publik “.
Ministri i Shëndetësisë, François Bron, foli për një “situatë serioze”, pasi në shumë vende fqinje, vërehet një epidemi e trefishtë: e Covid-19, gripit dhe bronkiolitit.
“Që nga fillimi i tetorit vetëm 2.8 milion njerëz janë vaksinuar për Covid-19, ata janë shumë më pak në krahasim me fqinjët tanë evropianë, ” komentoi Bron duke iu referuar fushatës për rritjen e dozës.
Për gripin janë vënë në dispozicion nga farmacitë 9.9 milionë vaksina, pra një rënie prej 5% në krahasim me vitin 2021.
“Për rrjedhojë, francezët janë më pak të mbrojtur këtë vit ”, nënvizoi ministri.
