Aktorja amerikane, Jennifer Lawrence është shprehur në një intervistë se i është kërkuar të humbiste peshë për të fituar rolin kryesor të serialit “Hunger Games”.
Aktorja tregoi gjatë intervistës se kur ajo u interesua për rolin u pyet se sa peshë planifikon të humbasë për të marrë rolin.
Megjithatë, ajo refuzoi kategorikisht të mbante një dietë.
“Përveç faktit që isha shumë e re, po rritesha dhe nuk mbaja dot dietë. Por nuk e di nëse doja që të gjitha këto vajza që do të donin të visheshin si Katniss, të ndiheshin sikur nuk munden sepse nuk peshojnë më pak,” tha ajo.
Në intervistat e mëparshme, Lawrence ka qenë e bindur se nuk do të mbajë kurrë dietë për një rol.
“Nuk do të vdes kurrë nga uria për një rol,” është shprehur ajo.
Siç është përmendur edhe më parë, për të është shumë e rëndësishme të promovojë modele të shëndetshme dhe pozitive për vajzat e reja përmes personazheve që luan.
