Pas Petar Petkoviçit, edhe kryeministrja e Serbisë, Ana Brnabiç, ka kërcënuar me kthimin e trupave serbe në Kosovë.
Ajo theksoi se Beogradi është afër një vendimi për të kërkuar kthimin e trupave të tij në Kosovë, në përputhje me Rezolutën 1244 të Këshillit të Sigurimit të OKB-së.
“Çdo ditë shkelet jo vetëm marrëveshja e Brukselit, por edhe ajo e Kumanovës. Jemi afër kërkesës për kthimin e forcave tona në Kosovë, sipas Rezolutës 1244, sepse KFOR-i nuk po e bën punën e vet. Serbët nuk ndihen të sigurt…”, tha Brnabiç, shkruajnë mediumet serbe.
Ajo tha më tej se presidenti i Serbisë, Aleksandar Vuçiç gjatë ditës do të prezantojë detaje për këtë çështje.
Ndryshe, edhe shefi i ashtuquajturës Zyre për Kosovën në Qeverinë e Serbisë, Petar Petkoviq, ka thënë se Serbia “do të shqyrtojë dërgimin e 1.000 forcave të saj të sigurisë në Kosovë”.
Ai ka thënë se veprimi do të merret në përputhje me Rezolutën 1244 të OKB-së, duke permendunr nenin 4 dhe nenin 6 të aneksit 2
