Britania e Madhe ka sanksionuar një kolonel rus i cili ka komanduar një divizion tankesh që ka qenë në vijën e frontit që kur Rusia filloi pushtimin e saj në Ukrainë. Koloneli Ramil Rakhmatulovich Ibatullin është sanksionuar për rolin e tij si komandant i Divizionit të 90-të të Tankeve, tha Ministria e Jashtme.
Duke shpallur sanksionet ndaj 30 personave në mbarë botën të përshkruar si “figura politike të korruptuara, shkelës të të drejtave të njeriut dhe autorë të dhunës seksuale të lidhur me konfliktin”, Ministria e Jashtme tha se masa ishte e koordinuar me partnerët ndërkombëtarë për të shënuar Ditën Ndërkombëtare Kundër Korrupsionit dhe Ditën Globale të të Drejtave të Njeriut.
“Është detyra jonë të promovojmë shoqëri të lira dhe të hapura në mbarë botën. Sot sanksionet tona shkojnë më tej për të ekspozuar ata që qëndrojnë pas shkeljeve të tmerrshme të të drejtave tona më themelore. Ne jemi të përkushtuar të përdorim çdo levë në dispozicionin tonë për të siguruar një të ardhme lirie mbi frikën.”, tha Sekretari i Jashtëm James Cleverly.
