Kampi i PD-së së udhëhequr nga Enkelejd Alibeaj ka organizuar një takim në Hotel Tirana për 32-vjetorin e krijimit të PD-së.
Nga ana tjetër, Sali Berisha ka njoftuar për festime në Hotel Rogner në orën 18:00. Ai është shprehur se Berisha po e përdor partinë që krijoj me vlera amerikane, për interesa personale kundër SHBA-ve.
“Shpallja e pluralizmit, zgjedhje të lira kthimi nga vlerat e perëndimit dhe të demokracisë, janë vlera që askush nuk mund dhe nuk duhet lejuar që të bëjë negociata. Është kjo një vlerë që e kanë fort në zemër. Kjo ka qenë një nga vlerat, një nga komponentët që e bën një qytetar të Shqipërisë Demokrat.
Do mbetemi partia e vlerave anti-komuniste. Jemi njerëz të lirë e ti themi gjërat siç janë, Çdo tradhti çdo largim nga këto vlerave është një tradhti ndaj demokratëve dhe PD-së, këtë duhet ta themi fort. Çdo përpjekje për të vendosur interesa personale që deformojnë identitetin e PD-së duke e kthyer atë nga një institucion i perëndimit për ta kthyer në një repart sulmesh kundër Perëndimit është një moment që duhet ta kthejmë. Duhet të bëjmë sakrificën sublime secili prej nesh,” është shprehur ai.
