Si pasojë e reshjeve të shiut të ditës së sotme lumi Vjosa ka dalë nga shtrati te Pazari i Mifolit dhe për pasojë uji ka hyrë brenda dy banesave. Niveli i lumit Vjosa te Ura e Mifolit ka arritur në 6.8 metër.
Përkeqësimi i motit, ka shkaktuar probleme në disa zona të vendit. Shtimi i reshjeve ka sjellë edhe daljen e lumit Ishëm nga shtrati gjatë natës, duke shkaktuar përmbytje në disa zona në Fushë-Krujë.
Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç. Aktualisht janë disa banesa të rrethuara nga uji rreth në fshatin Murqinë dhe Mallkuç.
Nuk dihet ende nëse po merren masa për evakuimin e banorëve të rrezikuar.
