Pas sulmeve të ndodhura kohët t fundit në veri të Kosovës ka reaguar edhe kreu i Partisë së Lirisë, Ilir Meta.
Ai përmes një postimi në Facebook dënoi me ashpërsi aktet dhe sulmet e armatosura ndaj Policisë së Kosovës.
Meta u bëri thirrje institucioneve të drejtësisë të vendosin sa më parë drejtësi.
Postimi i plotë:
“Dënoj me ashpërsinë më të madhe aktet e papranueshme të dhunës dhe sulmet e armatosura ndaj Policisë së Kosovës dhe personelit ndërkombëtar në Veri të Republikës së Kosovës dhe u bëj thirrje institucioneve të drejtësisë të venë sa më parë para drejtësisë autorët e tyre.
Apeloj fuqimisht domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.”
