Presidentja e Komisionit Evropian Ursula von der Leyen tha ditën e sotme se hetimi që Belgjika po kryen për korrupsionin e dyshuar në Parlamentin Evropian është “shumë shqetësues”
“Akuzat janë shumë shqetësuese, shumë serioze,” u tha ajo para gazetarëve, duke përsëritur se po propozonte gjithashtu krijimin e një organi të pavarur të etikës për të mbuluar institucionet e BE-së, raportojnë mediat e huaja.
Zëvendëspresidentja e Parlamentit Europian, Eva Kaili është arrestuar nga policia e Belgjikës pasi është e përfshirë në një rast korrupsioni lidhur me Katarin.
Sipas mediave të huaja, për këtë çështje janë arrestuar 4 zyrtarë, ku mes tyre është edhe 44-vjeçarja Eva Kaili, e cila njëkohësisht është edhe deputete greke. Ndërkohë Greqia ngriu sot pasuritë e Kailit.
