Kryeministri Edi Rama i pyetur në lidhje me faturat e hoteleve dhe udhëtimeve që Klodian Zoto i ka paguar ish-zëvendëskryeministrit Arben Ahmetajt për inceneratorët është shprehur se i ka parë me rezervë lajmet e dhëna.
Po ashtu ai ka deklaruar se nuk ndihet i penduar për inceneratorët dhe se kush ka “ngrënë” pas shpinës së tij mban vetë përgjegjësi.
“Janë të vërteta individuale, janë tre vepra në Fier, Elbasan dhe Tiranë për të cilat 100 herë do thoashë se duhen bërë. Janë në shërbim të komuniteteve. Janë pronë. Ajo e Fierit është e destinuar që të jenë pronë e komunitetit. Nëse ne nisemi për një betejë dhe kemi qëllim të caktuar dhe rrugës dikush ose disa këpusin dhe dardha e mollë për t’u futur në shportë pas shpinës timë punën nuk e kanë me mua por me drejtësinë. Nuk bëj komente mbi copa të dhënat që janë për t’u hetuar dhe për t’u gjykuar. Kur të hetohen dhe gjykohen, do flas përsëri, nuk dal dot se ka një muhabet.” është shprehur rama
