Kryeministri Edi Rama ka zbardhur detaje nga biseda me homologun e tij britanik në lidhje me emigrantët e paligjshëm shqiptarë. Ai ka treguar se më herët ai i ka ofruar ndihmë britanikëve për të ngadalësuar emigrimin e paligjshëm, por këta të fundit nuk kanë marrë masa konkrete.
“Nëse doni ndihmën tonë, jemi të gatshëm të ngremë një skuadër siç e kemi bërë me vendet e tjera, që të merret 24 orë me identifikimin, penetrimin e ndalimin e këtyre elementëve që organizojnë trafikun klandestin e kështu me rradhë. Ide e bukur, ide e bukur, ide e bukur, por s’u bë kurrë. Ketë herë, kam pasur një bisedë goxha me kryeministrin e fundit, ka marrë përsipër që jo vetëm të thotë ‘bukur., bukur’, por edhe ta shtyjë përpara. Kemi rënë në një dakordësi se marrëveshjet janë aty, thjesht janë theksuar. Më ka shprehur po ashtu edhe dëshirën që të takohemi shpejt dhe pastaj jemi ndalur tek kjo pjesë. Unë kam përsëritur të njëjtin princip, nuk ka nevojë pse t’i ndani shqiptarët nga të tjerët.” është shprehur Rama.
