Ministri i Brendshëm, Bledi Çuçi ka bërë me dije se do të rikthejë kamerat e trupit për policët e patrullës.
Kamerat e turpit, të cilat u vendosën për herë të parë nga ish-ministri Tahiri por që më pas dolën jashtë funksionit, u bën të çështje diskutimi pas ngjarjes së rëndë të Lear Kurtit.
Çuçi u shpreh se kjo do të rrisë cilësinë shërbimit dhe evidentimin e rasteve të mundshme të abuzimeve.
Po ashtu ai ka shtuar se do të investojë në teknologji 7.6 herë më shumë.
Për këtë Çuçi është shprehur se duke ulur kontaktin e qytetarit me policin do mund të shmangim ryshfetin dhe korrupsionin.
“Kemi kaluar nga patrulla policie që të ndalonin ndonjëherë edhe pa shkak, në përdorimin e radarëve automatikë dhe makinave inteligjente duke ulur kështu kontaktin e qytetarit me punonjësin e policisë që në shumë raste ishte edhe burim ryshfeti. Së shpejti do të kalojmë në njoftimin elektronik të menjëhershëm të qytetarit në rast shkeljeje dhe do të vijojmë investimet në teknologji e pajisje dixhitale për të rritur cilësisht punën e Policisë,” shtoi ai.
