Një urdhër, pas 3 viteve të tërmetit të 2019, kërkon që të nxjerri jashtë banorët e një pallati në lagjen nr.4 në Tiranë në rrugën Myslym Keta. Shkak i nxjerrjes jashtë është fakti se pallati ka pësuar dëmtime nga tërmeti.
Për këtë banorët janë shprehur se IMT-ja ka ardhur paparalajmëruar dhe se po i nxjerrin nga shtëpia pa shkak real.
Banorët janë përplasur me forcat e policisë për të mbrojtur pronën e tyre.
“Kanë sjellë një njoftim para dy ditësh nga IMT, në të cilin ata as nuk ka kanë njoftuar dhe nuk e din se cilin vendim të Këshillit Bashkiak po zbatojnë. Kemi bërë akt ekspertimi, pallati ka dalë DS2, thjesht ka prezent lagështie dhe kërkon 17 milionë lekë të vjetra për riparim. Duan të na marrin pronën. Na vijnë natën për të na prerë dritën, kemi kontratë me banorët. Kanë detyrim ligjor të na njoftojnë s’jemi kafshë ne. Kemi 3 vite në stres,” tha avokati i kësaj çështjeje.
