Qyteti i dytë më i madh i Ukrainës, Kharkivi, ka mbetur që disa orë pa rrymë, si pasojë e sulme të reja ajrore ruse, të cilat kanë shënjëstruar stacionet e energjisë.
Zyrtarët lokalë kanë thënë se nëntë objekte të energjisë janë goditur nga sulmet e së premtes, që kanë përfshirë 76 raketa dhe dronë.
Kryetari i Harkivit, Oleg Synegubov, ka thënë se qyteti është përballur me dëm “kolosal”.
Në mbrëmjen e së premtes është raportuar se 55 për qind e banorëve nuk kanë pasur rrymë.
Operatori ukrainas për energji, Ukrenergo, ka paralajmëruar se shkalla e dëmeve është e madhe dhe se riparimet mund të marrin më shumë kohë sesa zakonisht.
Ukraina e ka akuzuar Rusinë se po e përdor dimrin si “armë lufte”, duke dëmtuar objektet kyçe, teksa temperaturat në këtë shtet veçse janë zero gradë Celsius./REL
