Liverpooli thuhet se e ka caktuar mesfushorin maroken, Sofyan Amrabatin si objektivin kryesor të transferimit për vitin e ardhshëm.
Mesfushori pritet të largohet në janar nga Fiorentina drejt një klubi të madh, pasi ka tërhequr interesimin e shumë klubeve falë paraqitjeve të tij të mira me Marokun në Kupën e Botës.
Sipas “FootMercato”, Amrabat është prioritet i Jurgen Kloppit për të përforcuar skuadrën në janar.
Zyrtarët e klubit anglez thuhet se do të nisin shumë shpejt kontaktet me përfaqësuesit e lojtarit.
Fiorentina mendohet se do të pranonte një ofertë prej 40 milionë eurosh.
Tottenham Hotspur, Barcelona dhe Atletico Madridi janë klubet tjera të interesuara për shërbimet e 26-vjeçarit.
Amrabat me klubin italian ka kontratë të vlefshme deri më 30 qershor 2024.
