Ish-ylli i Romës, Francesco Totti është tallur me veshjen e Alessandro Del Pieros për finalen e Kupën e Botës duke i thënë se dukej si një shofer tramvaji.
Dyshja fituese e Kupës së Botës të vitit 2006 ishin në mesin e shumë legjendave të futbollit që ndodheshin në tribunat e stadiumin “Lusail” për ta ndjekur finalen e “Katar 2022”.
Ikona e Romës ishte duke darkuar me ish-yllin e Interit, Marco Materazzi dhe me arritjen e kapitenit legjendar të Zonjës së Vjetër, i tha: “Ai duket si një shofer tramvaji… biletat, biletat…”.
Edhe Del Piero edhe Totti shënuan nga një gol në Kampionatin Botëror Gjermania 2006, kur Azzurrët e ngritën kupën pas fitores ndaj Francës në penallti.
Ndërkohë të dielën Argjentina u shpall kampion bote për vitin 2022 duke e mposhtur po ashtu Francën pas ekzekutimit të penalltive.
https://twitter.com/CB_Ignoranza/status/1604857760545640450?ref_src=twsrc%5Etfw%7Ctwcamp%5Etweetembed%7Ctwterm%5E1604857760545640450%7Ctwgr%5E9e0e023128579db3382089c81893c78aa8a6c6c7%7Ctwcon%5Es1_c10&ref_url=https%3A%2F%2Ftelegrafi.com%2Fshaka-mes-legjendash-totti-e-ngacmon-del-pieron-duke-e-quajtur-shofer-tramvaji%2F
