Dy vëllezër janë kapur në flagrancë nga policia duke vjedhur një magazinë gjatë natës. Ata do të vidhnin magazinën në bulevardin e Kasharit.
U kapën në flagrancë në tentativë për të vjedhur në një magazinë, vihen në pranga 2 shtetas (vëllezër).
Bëhet me dije se u janë sekuestruar automjeti me të cilinë po lëviznin dhe materialet e ndryshme që kishin vjedhur.
“Në rrugën “Pavarësia”, gjatë natës, shërbimet e Policisë kanë kapur në flagrancë në tentativë për të vjedhur në një magazinë, shtetasit M. J., 34 vjeç dhe J. J., 20 vjeç (vëllezër), të dy banues në Tiranë.
Nga veprimet hetimore ka rezultuar se këta dy shtetas kanë kryer disa vjedhje të tjera. Vijon puna hetimore për dokumentimin e plotë të tyre.
Në cilësinë e provës materiale janë sekuestruar një automjet që dyshohet se përdorej nga dy vëllezërit, për të kryer vjedhjet, si dhe materiale të ndryshme, të dyshuara të vjedhura më parë. “- ka njoftuar policia.
