Themeluesi dhe kreu i organizatës mercenare Wagner, Yevgeny Prigozhin mohoi sot pretendimin e qeverisë amerikane se kompania e tij kishte blerë armë nga Koreja e Veriut.
Ai i quajti këto pretendime si “thashetheme dhe spekulime”.
“Të gjithë e dinë se Rusia nuk ka marrë armë nga Koreja e Veriut për një kohë të gjatë. As nuk janë bërë përpjekje përkatëse”, thekson Prigozhin.
Më herët sot, një zëdhënës i Këshillit të Sigurimit të Shtëpisë së Bardhë konfirmoi një raport të Reuters se kompania private ruse Wagner kishte marrë një dërgesë armësh nga Koreja e Veriut për të ndihmuar në forcimin e forcave ruse në Ukrainë.
