Sali Berisha kërkoi sot në Kuvend faturën sa kushtuan gjashtë dronët që Shqipëria po blen nga Turqia. Në mungesë të kryeministrit dhe ministrave, Sali Berisha iu drejtua Pandeli Majkos.
“Di gjë ti zoti Majko, se ke qenë edhe kryeministër, sa kushtuan dronët? Kush e kontrollon hapësirën ajrore, a jemi anëtarë të NATO-s.
Të paguajmë ushtarët njëherë, janë gjysma që kanë dhënë dorëheqjen. Nuk jetojnë dot me pagën mizerabël që jetojnë. Pastaj të shkojmë te satelitët. Por shkojnë gjithmonë aty ku vjedhin” tha ai.
Teksa kryetari i PD-së, po fliste në kuvend u fut ministri Ulsi Manja për të cilin Berisha kishte një pyetje. “Paska ardhur ky badigardi i Ramës.
Ditën i rri badigard dhe natën i bën gjëmën. Me atë votimin çfarë roli luajte ti? Cili ishte roli yt? Kjo është pyetja që kam unë për ty” tha Berisha.
LIVE-Qeveria karriget bosh, Berisha: Ku janë hajdutët? Ortaku i Olsi Ramës bëri kërdinë
