Sekretari i Përgjithshëm i Partisë Socialiste, Damian Gjiknuri deklaroi se PS nuk do të zgjedhë “primaret” për të zgjedhur kandidatët, sikur i bëri PD, por një tjetër strategji; garancia e personalitetit, pëlqimi i partisë dhe publikut.
“Shumë shpejt kryesia e PS do të miratojë një udhëzim që do të zbatohet që ka të bëjë me konsultimet për kandidatët për kryetarë bashkie dhe listat e këshilltarëve. Qasja jonë është e tillë, ne do të vazhdojmë konsultimet me strukturat dhe përtej, por edhe sondazhet me qytetarët. Ato që gjoja quhen primare, por nuk janë primare sikur i njeh SHBA.
Sepse primaret nuk administrohen nga partitë, marrin pjesë qytetarë dhe zhvillohet votim real. Këtu partia përcaktoi një kandidat që preferoi. Për ne është e rëndësishme që për ne kandidatët të pëlqehen nga qytetarët dhe jo nga “barku” i vogël partiak. Në primaret e kundërshtarit votuan anëtarët e PD-së.
Por ty nuk të duhen 10 mijë vota, por 200 mijë vota për të fituar. PS ka zgjedhur këtë metodologji. Edhe ne kemi pasur primare në 2007 dhe jo shpesh herë dolën fitues dhe në shumë komuna i humbëm. Këto metoda duken dhe shiten si demokratike, por nuk është kualitative” tha ai.
