Kapiteni i Argjentinës, Lionel Messi, ka arritur një marrëveshje për të rinovuar kontratën e tij me Paris St-Germain.
Messi, 35 vjeç, i cili udhëhoqi Argjentinën drejt lavdisë së Kupës së Botës në Katar, i skadon kontrata me klubin francez në qershor 2023.
Në fillim të kësaj jave, presidenti i Barcelonës, Joan Laporta tha se “do të donte” që Messi të kthehej në klubin spanjoll ku kaloi 21 vjet.
Por Balague thotë se Barça nuk i është afruar Messit për një rikthim.
Ai do të nënshkruajë një marrëveshje njëvjeçare me opsionin e një viti tjetër dhe marrëveshja ka ardhur pas katër muaj bisedimesh mes drejtorit të futbollit të PSG-së, Luis Campos dhe babait të Messit, Jorge.
“Praktikisht gjithçka është dakord me PSG-në”, thotë eksperti evropian i futbollit Balague.
Pra, nuk është se Messi nuk dëshiron të kthehet në Barcelonë. Atij nuk i është bërë pyetja.
Shtatë herë fituesi i Topit të Artë u shpall lojtari i turneut në Kupën e Botës, pasi Argjentina fitoi titullin për herë të tretë me një fitore nga penalltitë ndaj Francës.
Pas largimit nga Barcelona, Messi nënshkroi një kontratë dyvjeçare si lojtar i lirë, me opsionin e një viti të tretë, në vitin 2021.
Ai ka bërë 53 paraqitje për skuadrën e Ligue 1 deri më tani, duke shënuar 23 gola në të gjitha garat.
