Celia, nëna e yllit argjentinas, Lionel Messi ka zbuluar sesi i vuri emrin djalit të saj.
Ajo ka pranuar se dëshironte që ai të quhej ndryshe.
Por, ishte babai i sulmuesit argjentinas, Jorge i cili përfundoi duke shkruar në gjendjen civile emrin Lionel.
“Nuk kishim emër mashkulli, më ka pëlqyer gjithmonë Leonel”, ka treguar nëna e yllit të kombëtares së Argjentinës.
“Kur Jorge shkoi ta shkruante, i vuri Lionel… kur erdhi gati e vrava”, shtoi ajo, sipas mediumit “NoticiasNet”.
E pyetur se pse burri i saj përfundoi duke zgjedhur këtë emër, në vend të Leonelit siç kishin rënë dakord, përgjigja ka të bëjë me fanatizmin e çiftit për një artist të madh.
“Neve na pëlqeu shumë Lionel Richie”, pranoi ajo.
Kur kjo histori u bë e njohur, shumë gazetarë e pyetën vetë Lionel Richie, se çfarë mendonte se emri i tij e kishte frymëzuar babanë e Lionel Messit kur ishte fjala për pagëzimin e djalit të tij.
“Fillimisht mendova se ishte një shaka. Dhe më pas bëra një hetim dhe pashë që ishte nëna e tij ajo që e tha. Ishte e vërtetë. Më lejoni t’ju them këtë: e kuptoj që ai nuk mund të këndojë dhe dua t’ju njoftoj se nuk di të luaj futboll”, u shpreh këngëtari.
Në Argjentinë emri Leonel deri më tani ishte shumë më i popullarizuar se Lionel, kështu që shumë njerëz përfunduan duke thënë Leo në vend të Lio.
Diçka që edhe vetë lojtari përfundoi duke e pranuar: “Plaka ime do të më vrasë, por Leo tashmë është këtu”.
