Gjykatësit shqiptarë si dhe i gjithë stafi i Gjykatës penale të Mitrovicës janë shpërngulur sot në objektin e Gjykatës civile, i cili ndodhet në jug të këtij qyteti.
Shpërngulje e cila vjen pas vënies së barrikadave në dy vende të ndryshme në Mitrovicë.
Sipas KosovaPress ata janë larguar për shkak të pasigurisë dhe pamundësisë së lëvizjes së lirë.
Një pjesë e gjykatësve dhe personelit tjetër shqiptarë, së bashku me kolegët e tyre serbë, kishin filluar punën në veri të Mitrovicës në vitin 2017.
Sipas marrëveshjes së Brukselit ishte përcaktuar që Gjykata penale të fillojë punën në objektin në veri të Mitrovicës, ndërsa ai civil në jug.
