Drejtori i filialit të Postës Shqiptare në Lezhë, Pjerin Çuku u dhunua mbrëmjen e djeshme nga persona ende të panjohur. Policia tha se ngjarja ndodhi rreth orës 16:30 minuta në lagjen “Gurra” të qytetit.
“Nuk kam konflikte. Por mendoj se më kanë dhunuar për shkak të detyrës. Kjo ka lidhje me politikën” tha thënë ai për mediat. Agresorët kanë qenë dy të rinj të cilët e kanë goditur disa herë me grushte 42-vjeçarin Pjerin Çuku e më pas janë larguar me vrap.
Policia nuk ka arritur ende të bëjë identifikimin e tyre, ndërsa janë sekuestruar dhe po analizohen pamjet e kamerave të sigurisë. Pak ditë më parë u dhunua drejtori i OSHEE-së sërish në Lezhë.
