Mediat angleze shkruajnë se trajneri i Tottenham, Antonio Conte ka zgjedhur dy mbrojtës si objektivat kryesorë për afatin e janarit.
Bëhet fjalë për kroatin, Josko Gvardiol që luan te RB Leipzig dhe mbrojtësi spanjoll Pedro Porro që luan te Sporting Lisbona.
Tottenham ka ndarë 120 milionë euro për dyshen e përmendur.
Sipas Transfermarkt, Porro vlen 25 milionë euro, ndërsa çmimi i Gvardiol është rritur në 75 milionë euro pas paraqitjes së tij në Botëror, duke e bërë atë aktualisht mbrojtësin më të shtrenjtë në botë.
Klubet më të mëdha dhe më të pasura botërore do të donin ta shihnin Gvardiolin në skuadrat e tyre pas Kupës së Botës në Katar.
Real Madrid, Manchester City, Manchester United dhe Chelsea po ashtu interesohen për kroatin.
