Një shpërthim në një restorant në Turqi u ka marrë jetën 7 personave, mes tyre dhe 3 fëmijëve.
Lajmi është bërë i ditur nga media HaberTurk.
“Guvernatori i Aydin, Husein Aksoy deklaroi se 7 persona u vranë, sipas të dhënave paraprake, si pasojë e një shpërthimi që ndodhi në një restorant në lagjen Nazili ”, raportohet.
Sipas të dhënave, nga shpërthimi kanë mbetur të plagosur edhe pesë persona, një në gjendje të rëndë. Punëtorët raportuan se kishin nuhatur një erë të çuditshme pak para shpërthimit, i cili ndodhi në një tub në objektin e restorantit, teksa po kontrollohej.
