Me ritme të shpejta, njëra pas tjetrës, vendet po “fortifikohen” ndaj Kinës, pas shpërthimit të rasteve të koronavirusit që shfaqen atje, por edhe frikës nga mutacionet e reja.
Pas Spanjës dhe Izraelit, radha ishte e Francës, e cila njoftoi se udhëtarët që mbërrijnë nga Kina duhet të testohen për Covid-19 përpara nisjes së fluturimit të tyre.
Për shkak të rritjes së numrit të rasteve në Kinë, Franca po ndjek shembullin e Spanjës, e cila vendosi kufizime. Udhëtarët, përveç që duhet të tregojnë një test negativ për koronavirusin përpara se të hipin, duhet të mbajnë edhe maskë gjatë fluturimit.
Testet e rastësishme janë planifikuar gjithashtu në mbërritje për të renditur gjenomin dhe për të zbuluar çdo variant të ri të SARS-CoV-2, tha një burim qeveritar. Sipas mediave britanike, Londra synon të zbatojë masa të ngjashme.
