Edhe pse jemi në janar moti gjatë këtij viti mesa duket ka vendosur të tregohet zemërgjërë me ne duke na dhuruar ditë me diellë dhe temperatura të ngrohta .
Sipas meteorologëve e tillë parashikohet të jetë moti edhe në ditët në vijim, ku temperaturat do të arrijnë maksimalen e vlerave 16-17 gradë.
Aktualisht territori shqiptar mbizotërohet me kthjellime në pjesën më të madhe të territorit shqiptar deri vonë pasdite ku do të ketë vranësira të lehta dhe kalimtare më të fokusuara në zonat malore, nuk presim reshje.
Pak më ftohtë është zona e juglindjes ku kemi vlera në 1 gradë dhe maksimalja pritet të ngjitet me 16 gradë kryesisht në Sarandë.
Në zonat bregdetare edhe nesër do të mbetemi në masa ajrore të qëndrueshme duke bërë që moti të jetë i kthjellët sidomos paraditja në ultërsirën perëndimore, kthjellime dhe vranësira të lehta dhe kalimtare priten në pjesën e dytë të ditës.
Nesër do të ketë një rënie të lehtë, por ruhen vlerat maksimale. Nuk priten ndryshime ku sërish do të jemi në vlerën 15 apo 16 gradë.
