Ditën e sotme janë nisur nga Florida për në hapësirë Satelitët Albania 1 dhe Albania 2. Lajmin e ka bërë të ditur vetë kryeministri Rama përmes një video live në “Facebook” ku monitorohet lëshimi i raketës Falcon 9, që është misioni i përbashkët i SpaceX Transporter 6 që transporton për në hapësirë edhe satelitët , Albania 1 dhe Albania 2.
Sapo është lëshuar nga Cape Canaveral, Florida raketa Falcon 9, misioni i përbashkët i SpaceX Transporter 6 që transporton për në hapësirë edhe satelitët tanë, Albania 1 dhe Albania 2”, njofton kryeministri Rama.
Lëshimi i satelitëve shqiptarë është realizuar pëmes një kontrate, e cila konsiston në përdorimin ekskluziv të dy satelitëve, për një periudhë 3-vjeçare, për monitorimin e territorit të Republikës së Shqipërisë.
