WhatsApp këtë vit të ri ka vendosur të sjellë një risi të re për të gjithë përdoruesit e këtij aplikacioni.
Sipas raportimeve të fundit ata do të lejojë përdoruesit të lidhen dhe të qëndrojnë në linjë edhe kur ata nuk kanë internet.
Faqja në pronësi të kompanisë “Meta” u shpreh se kjo risi ka ardhur si një përgjigje ndaj vendimit të mbylljeve të internetit të parë në vende të tilla si Irani, vendim për të cilin kompania tha se po shkel të drejtat e njeriut.
Sipas mediave të huaja, një veçori e re e WhatsApp do t’i lejojë përdoruesit të fusin emrin e një server “proxy” dhe ta përdorin atë për t’u lidhur me internetin.
Proxy serverët punojnë si porta alternative midis një përdoruesi dhe internetit kur metodat tradicionale të lidhjes dhe serverët janë mbyllur ose ndërprerë, duke siguruar lidhjen e nevojshme midis një përdoruesi dhe website ose shërbimit që ata dëshirojnë të përdorin.
WhatsApp vuri në dukje se shumë prej tyre janë krijuar nga vullnetarë dhe organizata në mbarë botën për të ndihmuar njerëzit të “komunikojnë lirshëm”, dhe kompania gjithashtu do t’u ofrojë udhëzime njerëzve se si të krijojnë një “proxy” për të ndihmuar të tjerët.
