Mbrëmjen e sotme me urdhër të SPAK, RENEA ka bastisur banesën e Ervis Martinajt në Surrel, fshat i njohur për shkak se aty banon kryeministri Edi Rama.
Kontrollet janë në kuadër të operacionit Plumbi i Artë dhe vijimi i operacionit në Fushë Kuqe ku u ushtuan kontrolle në shtëpinë e Martinajt dhe xhaxhallarëve të tij.
Martinaj është subjekt i SPAK pasi për të ka mase sigurie arrest me burg për akuzën e sigurimit të kushteve dhe mjeteve për vrasje.
9 gushti i vitit 2022 është dita kur familjarët e Ervis Martinajt humbën kontaktet me të afërmin e tyre.
Por çfarë tha xhaxhai i Ervis Martinajt, Faik Martinaj për fqinjin e nipit, Edi Rama?
“Edi Rama na e ka dhënë mesazhin që në fushatën e vitit të kaluar, që i ka thënë se “i them atij drejtorit të basteve” dmth që atëherë na ka kërcënuar, se “ia dimë targën e makinës” e kështu dmth.
Unë e di zhdukjen e nipit tim, është kryeministri, organizatori është kryeministri Edi Rama me bandat e tij edhe me gjithë oligarkët që i kanë interesat nga bregdeti i jugut.
Ai është vrarë dhe është zhdukur kufoma. Kundërshtarët politik e kanë eleminuar. Hasmi nuk të zhduk xhenazen”, tha Faik Martinaj pak javë më parë.