Ish-presidenti brazilian Bolsonaro u dërgua në një spital pranë Orlandos të hënën me dhimbje stomaku. Kjo vjen pasi mijëra mbështetës të tij sulmuan zyrat e qeverisë në kryeqytetin brazilian.
Ish-presidenti u godit me thikë në vitin 2018 dhe që atëherë ka luftuar me dhimbje barku herë pas here.
Në Instagram të hënën, Michelle Bolsonaro konfirmoi se burri i saj ishte nën vëzhgim për shkak të shqetësimit të barkut.
Një burim i afërt me familjen tha se gjendja e tij nuk ishte “shqetësuese”, sipas Reuters. Historia u raportua fillimisht nga gazeta braziliane O Globo.
Bolsonaro u largua nga Brazili për në Shtetet e Bashkuara rreth 10 ditë më parë. Ai refuzoi të merrte pjesë në dorëzimin e pushtetit Presidentit Luiz Inácio Lula da Silva javën e kaluar.
