Fitorja e Novak Djokoviç në finalen e turneut të Adelaide ishte episodike pasi tenisti serb gjatë ndeshjes i kërkoi vëllait të tij të largohej nga fusha.
Në videon pas përfundimit të setit të parë kundër numrit 33 të botës, Sebastian Korda, shihet Djokoviç i zemëruar duke drejtuar gishtin nga skuadra e tij dhe i kërkon dikujt të largohet.
Sipas gazetarëve që përcjellin ndeshjen, pas shenjës së Djokoviç, vëllai i tij, Marko dhe një person tjetër u larguan nga ekipi i tenistit serb. Pas fitores, megjithatë, Djokoviç donte të qetësonte situatën.
“Dua të falenderoj ekipin tim për tolerimin në kohët e mira dhe të këqija. Sot jam i sigurt se nuk e kanë kaluar mirë me reagimet e mia, por i falenderoj që janë këtu. Këtu ishte edhe vëllai im Marko, nuk e pashë sa duhet, ndaj e falenderoj që ishte këtu, të dua”, ka shtuar tenisti serb.
https://twitter.com/luksie1/status/1612015906045022208?ref_src=twsrc%5Etfw%7Ctwcamp%5Etweetembed%7Ctwterm%5E1612015906045022208%7Ctwgr%5E1aaaaa6d78dcb72cc4cee9be8a48c0f5bddbf1c3%7Ctwcon%5Es1_c10&ref_url=http%3A%2F%2Fgazetashqiptare.al%2F2023%2F01%2F10%2Fvideo-djokovic-nuk-e-mbajne-nervat-perze-vellain-e-tij-nga-fusha%2F
