Një ngjarje e rëndë ka ndodhur pasditen e ditës së sotme në Kumanovë të Maqedonisë së Veriut ku një 40-vjeçar me inicialet B.J ka vrarë me thikë babain e tij.
65-vjeçari u dërgua në spital por nuk mundi t’u mbijetonte plagëve të marra.
“Policët e SPB Kumanovë rreth orës 16:00 e kanë ndaluar B.J.40 vjeç nga Kumanova nën dyshimin se rreth orës 15:00 në Kumanovë ka sulmuar me thikë babanë e tij S.J. 65 vjeç, i cili ka ndërruar jetë pas plagëve të marra”, thuhet në njoftimin e policisë së Kumanovës.
Ky është krimi i dytë në familje brenda dy ditëve të fundit në Maqedoninë e Veriut. Ditën e djeshme, një person u arrestua pasi vrau me thikë nënë dhe gjyshen e tij 80-vjeçare.
