Vetëvrasja e një djali 13-vjeçar, i cili ishte viktimë e bullizmit homofobik në shkollë ka shkaktuar Francën.
Prokurorët kanë nisur një hetim për ngacmimet ndaj djalit 13-vjeçar, Lucas i cili vrau veten fundjavën e kaluar në rajonin Vosges të Francës lindore.
Prokurori i rrethit, Frederick Nahon u shpreh të enjten se miqtë e djalit u thanë hetuesve se ai ishte ngacmuar nga studentët në shkollën e tij për disa muaj për shkak të homoseksualitetit të tij.
Nahon theksoi në një konferencë për shtyp se ditari i Lucas përmbante një mesazh në të cilin ai shprehte dëshirën e tij për të vrarë veten.
Prokurori theksoi se hetimi do të përcaktojë nëse kishte një lidhje të drejtpërdrejtë shkakësore midis bullizmit në shkollë dhe vetëvrasjes, duke i kërkuar policisë që të vazhdojë hetimet me kujdes.
Familja nuk ka ngritur padi, por situata në shkollën Louis Armand në qytetin e Golbey është raportuar në ministrinë e arsimit.
“Mendoj për të gjithë studentët si ai që po ngacmohen. Dëshpërimi i tyre është baza e vendosmërisë sime për të parandaluar të gjitha format e bullizmit. Asnjë fëmijë nuk duhet të vrasë veten”, shkroi në Twitter ministri i Arsimit, Pape Diaget.
Avokatja që përfaqëson familjen e djalit, Catherine Fèvrei tha për AFP se përpara se të shqyrtonte ngritjen e një padie, familja dëshironte të varroste djalin e tyre në paqe.
