Përballë një realiteti tragjik janë zjarrfikësit që morën pjesë në operacionin e shuarjes së zjarrit të madh në Grenfell Tower në Londër në vitin 2017, pasi disa prej tyre të moshës jo më shumë se 40 vjeç janë diagnostikuar me kancer.
Raporti i nënshkruar nga Shoqata e Shërbimit të Zjarrfikësve dhe Universiteti i Central Lancashire shton se këto janë kryesisht kancer të sistemit tretës dhe leuçemi.
Zjarrfikësit dhe të mbijetuarit e katastrofës kanë bërë thirrje për teste mjekësore ndërsa është hartuar një listë e shpëtimtarëve që morën pjesë në operacionin e madh të zjarrit në Londrën perëndimore gati 6 vjet më parë.
Goditjet në tru, sëmundjet e zemrës dhe dështimi i veshkave janë gjithashtu sëmundje që janë regjistruar në mesin e zjarrfikësve.
“Ne presim që së shpejti të zbulohen disa fakte reale. Është tronditëse ajo që po del”, tha një burim i shërbimit zjarrfikës për Mirror.
Disa nga 1300 zjarrfikësit që besohet se kanë shkuar në vendngjarje kanë veshur uniformat e tyre për më shumë se 10 orë, ndërsa të tjerët kanë mbetur në një bodrum të mbushur me tym deri në gjashtë orë.
Zjarrfikësve mbetën pa ajër dhe kanë thithur tym.
Analiza e mbeturinave tregoi se kishte përqendrime të larta të kimikateve që shkaktojnë kancer.
Gazetarët u panë gjithashtu jashtë kullës në ditët pas zjarrit pa pajisje mbrojtëse, me disa ekspertë që kishin frikë se toksinat mund të ishin edhe më keq për njerëzit pas zjarrit.
Tragjedia e Grenfell Tower la 72 të vdekur dhe nxiti një seri hetimesh për përgjigjen dhe sigurinë e ndërtesës.
