Partia Demokratike është duke vijuar procesin e zgjedhjeve të drejtuesve të departamenteve. Selia e PD-së njofton se mbrëmë u përmbyll procesi i ngritjes së Departamentit të Shëndetësisë. Në krye të tij u zgjodh me votë unanime mjeku Ilir Alimehmeti.
“Procesi i ngritjes së departamenteve pranë Partisë Demokratike është një platformë që mundëson përthithjen e kontributeve më të mira akademike dhe profesionale dhe ekselencave në fusha të ndryshme, por edhe për hapjen e Partisë Demokratike ndaj shoqërisë” thotë selia blu.
Mjeku doli në balotazh me Belind Këlliçin në garën për bashkinë e Tiranës, por më pas vendosi që të mos shkonte në raundin e dytë duke i hapur rrugën deputetit të PD-së.
