Familja e Lisa Marie Presley thuhet se nënshkroi një urdhër mos reanimim përpara se këngëtarja të vdiste pas një arresti të dytë kardiak në spital.
Burime më parë kishin thënë se këngëtarja u shpall e vdekur pasi u dërgua me urgjencë në spital të enjten, duke bërë që mjekët ta fusnin në koma.
Megjithatë, me lajmin për gjendjen e saj “kritike”, familja e këngëtares vendosi të nënshkruajë dokumentin në rast se ajo pëson një arrest tjetër kardiak – gjë që ndodhi, sipas TMZ.
Detaje të mëtejshme të vdekjes së saj vijnë pasi Lisa Marie u gjet e pavetëdijshme në shtëpinë e saj në Kaliforni nga punonjësja e shtëpisë së saj.
Nëna e saj, Priscilla Presley, më vonë konfirmoi se “vajza e saj e bukur Lisa Marie kishte ndërruar jetë”.
“Ajo ishte gruaja më e pasionuar, e fortë dhe e dashur që kam njohur ndonjëherë”, tha ajo në një deklaratë të ndarë me media të ndryshme.
Të premten, përfaqësuesit e familjes e thanë se ajo do të prehej pranë babait të saj, Elvis Presley dhe djalit Benjamin në Graceland.
Ajo ka lënë pas nënën e saj dhe tre vajzat: Riley, 33, dhe binjaket 14-vjeçare, Finley dhe Harper, të cilët tani janë vendosur të trashëgojnë pasurinë ikonë të Tennessee.
Pavarësisht se këngëtarja e ndjerë thuhet se humbi shumicën e trashëgimisë së saj prej 100 milionë dollarësh gjatë viteve, shtëpia e Elvisit vlen 400 deri në 500 milionë dollarë, sipas Rolling Stone.
