Mbrëmjen e së shtunës, një debat i ashpër ka ndodhur mes këngëtarit Luiz Ejlli dhe modeles Kejvina Kthella.
Debati në fjalë duket se ka eskaluar edhe në dhunë fizike nga ana e Kejvinës, e cila ka goditur me shuplakë Luizin – por pamjet e kësaj skene u transmetuan tek sot (e martë).
Gjersa ende nuk dihet nëse vëllai i madh do të ndërmarrë një veprim të dënueshëm ndaj bukuroshes Kthella, reagime të shumta ka pasur në rrjetet sociale.
Madje komentet dhe kritikat për veprimin e Kejvinës kanë qenë aq të shumta, aq sa kanë detyruar mirëmbajtësit e faqes së saj zyrtare në Instagram, që të bllokojnë hapësirën për komente.
Të gjitha postimet e saj të fundit që kanë të bëjnë me paraqitjet e saj në Big Brother VIP Albania janë pa komente në Instagram, duke lejuar vetëm pëlqimet.
Foto: Kejvina Kthella/Instagram
Debati i së shtunës mes Luizit dhe Kejvinën nisi për shkak të provokimeve të këngëtarit, të cilave bukuroshja nuk ka mundur t’iu bëjë ballë.
