Banorët e “5 majit” janë ngritur në protestë para Bashkisë pasi prej 1 viti nuk kanë asnjë shpjegim se cfarë po ndodh me banesat e tyre. Ata e marrin bonusin e qirasë por e cilësojnë të pamjaftueshëm në një kohë kur cmimet janë rritur ndërsa janë edhe të pastrehë.
Me akuzat se qeveria i ka grabitur pronat dhe ankesat se janë lënë në mes të 4 rrugëve pa shpjegim, nuk e kursejnë gjuhën e ashpër se do të bëjnë vetëgjyqësi. Njëri prej banorëve thotë se do të qëndrojë në pritje deri në vendimin e gjykatës.
“Nuk jemi kriminelë”, tha një banor. Teksa përmend rastin e arrestimit të kreut të Cosa Nostras në Itali, Matteo Messina Denaro, shprehet se ishin 600 forca që u angazhuan për vënien e tij në pranga ndërsa për nxjerrjen e banorëve nga shtëpia pretendon se ishin 1000 forca policie.
Kjo situatë ka shkaktuar edhe rritjen e shpopullimit, thotë një tjetër, pasi banorët që kanë mbetur të pastrhë kanë zgjedhur të largohen nga vendi.
