Presidenti i Këshillit Evropian, Charles Michel pas bisedimeve në Kiev me presidentin ukrainas Volodymyr Zelensky në prag të takimit vendimtar të grupit të kontaktit në Gjermani u shpreh se tanket duhet ti dorëzohet Ukrainës.
“Ne e dëgjojmë mesazhin tuaj. Keni nevojë për më shumë sisteme të mbrojtjes ajrore dhe artilerie, më shumë municion ”, shkroi Michel në Twitter, duke theksuar se aleatët perëndimorë të Ukrainës e dinë se javët e ardhshme mund të jenë vendimtare në luftën me Rusinë.
Për disa javë rusët kanë nisur një ofensivë në frontin lindor rreth qytetit Bakhmut, ndërsa ukrainasit këmbëngulin se duan të çlirojnë të gjitha territoret e pushtuara, përfshirë Krimenë, të cilën Moska e aneksoi në 2014.
Në konferencën për shtyp që ai dha në pasdite me Zelensky, Charles Michel konfirmoi se vendet anëtare të BE-së po negociojnë për të vendosur një grup të dhjetë sanksionesh kundër Rusisë për të kufizuar më tej të ardhurat e saj dhe aftësinë për të vazhduar luftën.
“Disa javë më parë ne ramë dakord për paketën e nëntë të sanksioneve dhe do të na duhet patjetër një e dhjeta,” u tha ai gazetarëve.
Në një video-mesazh në Twitter, Michel tha gjithashtu se ai diskutoi me Zelenky masa konkrete për të siguruar që (Ukraina) të bëhet më e fortë dhe më e fortë.
Michel do të takohet gjithashtu në Kiev me kryeministrin ukrainas Denis Smikhal si dhe deputetë ukrainas.
Nesër grupi i kontaktit për Ukrainën do të takohet në Ramstein, Gjermani, në të cilin marrin pjesë rreth 50 vende, me në krye SHBA.
Bisedimet pritet të fokusohen në koordinimin e misionit të ndihmës në Ukrainë dhe kryesisht në dërgesat e sistemeve të blinduara dhe moderne të mbrojtjes kundërajrore.