Gjashtë persona të plagosur është bilanci i një aksidenti të rëndë në aksin rrugor Burrel – Klos.
Aksidenti ka ndodhur paraditen e kësaj të premteje, ndërsa mësohet se dy prej të plagosurve janë në gjendje të rëndë për jetën dhe janë dërguar në spital për marrjen e ndihmës së nevojshme mjekësore.
Ngjarja ndodhi në vendin e quajtur “Shkëmbi i kuq”.
Ndërsa grupi hetimor dhe policia kanë shkuar në vendin e ngjarjes për të nisur hetimet përkatëse për zbardhjen e shkaqeve që çuan në këtë aksident.
NJOFTIMI I POLICISË:
Mat/informacion paraprak: Në aksin rrugor Burrel-Klos, shtetasi D.T., duke drejtuar automjetin tip “Benz”, është përplasur me mjetin tip “Peugeot” me drejtues shtetasin L.K. dhe si pasojë janë lënduar lehtë drejtuesit e mjeteve dhe katër pasagjer, të cilët po marrin ndihmë mjekësore në spital dhe ndodhen jashtë rrezikut për jetën. Grupi hetimor po kryen hetimet në vendngjarje.
