Një 27-vjeçar është arrestuar në Korçë me akuzën e mashtrimit pasi u premtonte qytetarëve se do i pajisje me certifikata pronësie. Ermal Çelanji ishte punonjës në një zyrë private konsulence
“Përfitonte shuma të konsiderueshme parash nga qytetarët, duke iu premtuar atyre se do t’i pajiste me certifikata pronësie, vihet në pranga një 27-vjeçar, punonjës në një zyrë private konsulence.
Nga veprimet hetimore ka rezultuar se ky shtetas, gjatë periudhës qershor-tetor 2022, duke shfrytëzuar pozicionin e tij të punës në një zyre private konsulence në fushën e pronësisë, ka përfituar shuma të konsiderueshme parash nga qytetarë të ndryshëm, duke i mashtruar ata me premtimin se do t’i pajiste me certifikata pronësie” njofton policia.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
