Për shkak të reshjeve të dendura të borës në zona të ndryshme në vend ka pasur probleme në qarkullim.
Edhe në Skrapar ka pasur reshjeve të mëdha të dëborës të cilat kanë sjellë vështirësi në qarkullim dhe bllokime.
Pas njoftimit se disa automjete si pasojë e reshjeve të dëborës kanë ngelur në Malin e Tomorrit, Policia dhe shërbimet zjarrfikëses kanë shkuar në zonën malore për t’iu ardhur në ndihmë.
Sipas njoftimit të policisë aksi rrugor Plirzë-Mali i Tomorrit është bërë i pakalueshëm për mjetet dhe subjekti kontraktor po punon për pastrimin dhe hapjen e rrugës për qarkullimin e automjeteve.
